54

آصف زرداری کو جیل میں اے سی کی سہولت نہ دینے کےخلاف توہین عدالت کی درخواست پر فیصلہ محفوظ

اسلام آباد (اب نیوز) سابق صدر آصف زرداری کو جیل میں اے سی کی سہولت نہ دینے کے خلاف توہین عدالت کی درخواست پر عدالت نے فیصلہ محفوظ کرلیا۔تفصیلات کے مطابق پیپلزپارٹی کے شریک چیئرمین اور سابق صدر آصف زرداری کو اے سی کی سہولت نہ دینے کے خلاف توہین عدالت کی درخواست پر سماعت ہوئی،سابق صدر کے وکیل لطیف کھوسہ نے دلائل دیتے ہوئے کہا کہ عدالتی حکم کے باوجود اے سی اور فریج کی سہولت نہیں دی گئی، آصف زرداری کو اے کی سہولت نہ دے کر عدالتی حکم کی خلاف ورزی کی گئی.

مزید پڑھیں: کرتار پور راہداری ، یاتریوں کے ساتھ بھارتی پروٹوکول آفیشلز تعینات کرنے کے مطالبے پر پاکستان نے بھارت کو ستھرا جواب دیدیا

سابق صدر آصف زرداری نے روسٹرم پر جج راجہ جواد عباس سے مکالمہ کرتے ہوئے کہا کہ مجھے اس سے قبل بھی جیل میں اے سی کی سہولت دی گئی تھی،جج راجہ جواد عباس نے استفسار کیاکہ اسی جیل میں آپ کو اے سی کی سہولت دی گئی تھی،سابق صدر نے کہا کہ اس عدالت اور تمام عدالتوں میں یہ سہولتیں دی گئی تھیں،احتساب عدالت اسلام آباد نے دلائل سننے کے بعد فیصلہ محفوظ کر لیا۔

اس خبر پر اپنی رائے کا اظہار کریں

اپنا تبصرہ بھیجیں