50

محرم کے آغاز کے ساتھ ہی دنیا بھر میں مجالس کا سلسلہ شروع

دنیا بھر میں محرم الحرام کا چاند نظر آتے ہی عبادت گاہوں اور گھروں میں مجالس کے سلسلوں کا آغاز ہوگیا ہے۔

استقبال محرم کی سب سے بڑی تقریب کربلا معلیٰ میں ہوئی جس میں دنیا بھر سے آئے لاکھوں زائرین نے شرکت کی۔

محرم الحرام کے آغاز پر ایک ہزارمربع میٹر کا پرچم ایران کے دارالحکومت تہران کی فضا میں لہرا دیا گیا۔

مزید پڑھیں: یہ ہجری سال ہم سب کیلئے باعث رحمت و برکت ہو، صدر مملکت

بلدیہ تہران کے مطابق یہ پرچم ایران کا سب سے بڑا اور دنیا کا تیسرا بڑا پرچم ہے جسے ایک سو پچاس میٹر بلند پول پر نصب کیا گیا ہے۔ایران کے تمام شہروں میں سیاہ پرچم اور بینر نصب کیے جارہے ہیں اور شہدائے کربلا کی یاد میں پانی اور شربت کی سبیلیں لگائی جارہی ہیں۔

واقعہ کربلا حق و باطل کے درمیان ایسا معرکہ تھا جس میں حضرت امام حسینؓ کی شہادت نے اسلام کو باطل کے مقابلے میں ہمیشہ ہمیشہ سر بلند کردیا۔

واقعہ کربلا رہتی دنیا تک ہمیں خانوادہ رسول ﷺ کے دینِ اسلام کی بقا کے لئے لازوال قربانیوں کی یاد دلاتا رہے گا ۔

اس خبر پر اپنی رائے کا اظہار کریں

اپنا تبصرہ بھیجیں