35

مقبوضہ کشمیرمیں بھارتی سازش،اداکارہ ماہرہ خان کشمیریوں کی آوازبن گئیں

بھارت اپنےگھناونےعزائم میں بہت آگے نکل گیا، مقبوضہ کشمیرمیں ظالمانہ تسلط اورظلم و ستم بھی جب بھارت کی بھوک نہ مٹا پایا تو مسلمانوں کی اکثریت کواقلیت میں بدلنے کی ایک اورسازش رچ ڈالی۔ 7دہائیوں سےحوصلہ مند،دلیراوروطن کےجاں نثارکشمیری سیسہ پلائی چٹان بن کرجنت نظیر وادی پراپنا لہوقربان کرتےہوئےبھارتی ناپاک ارادوں کوشکست دےرہےہیں۔

آزادی کےمتوالوں نےلاکھوں جانیں قربان کریں لیکن بھارت کےسامنے گھٹنےٹیکنےپرآمادہ نہ ہوئے۔

بزدل بھارتی سرکارکی سب تدبیریں رائیگاں چلی گئیں اورکچھ سمجھ نہ آیاتوپیٹھ پرچھراگھونپ دیا،بھارتی آئین میں مقبوضہ کشمیرکی خصوصی حیثیت ختم کردی اور آرٹیکل 370سے متعلق صدارتی حکم نامہ مسلط کردیا۔

صدارتی حکم نامےکےتحت مقبوضہ جموں وکشمیربھارتی یونین کا علاقہ کہلائے گااورریاست کانام نہاد لیبل بھی ہٹ جائےگا۔

مقبوضہ وادی میں ظلم وجبر،خونریزی اورانسانی حقوق کی خلاف ورزی پردنیا بھر سےآوازیں اٹھ رہی ہیں۔ بھارتی اقدام کےخلاف سوشل میڈیاپربھی طوفان امڈ آیا ہے۔

سماجی رابطےکی ویب سائٹ ٹویٹرپربھی کشمیریوں کےساتھ کھڑے ہونےکیلئےاسٹینڈ ود کشمیرٹاپ ٹرینڈبن گیا۔

پاکستانی اداکارہ ماہرہ خان بھی مقبوضہ کشمیرمیں ہونےوالےمظالم کیخلاف معصوم کشمیریوں کی آواز بن گئیں۔ ٹویٹرپربیان دیتے ہوئےاداکارہ ماہرہ خان کاکہناہےکہ جوہم کبھی نہیں چاہتے تھے،کیاہمیں آسانی سے پیچھے دھکیل دیا جائے گا؟ یہ ریت پرکھنچی لکیروں سےآگےمقبوضہ کشمیرمیں معصوم جانوں کےنقصان سےمتعلق ہے۔ جنت جل رہی ہےاورہم خاموشی سےرورہے ہیں۔

اس خبر پر اپنی رائے کا اظہار کریں

اپنا تبصرہ بھیجیں