26

مریدعباس قتل کیس:ملزم کیخلاف دہشتگردی کی دفعہ شامل

پول نیوز کے اینکر مرید عباس کے قتل کیس میں گرفتار ملزم عاطف زمان کے خلاف کراچی پولیس نے مقدمے میں انسدادِ دہشت گردی کی دفعہ شامل کر لی ہے۔

ایس ایس پی طارق دھاریجو کے مطابق مرید عباس کے قتل سے میڈیا میں کام کرنے والے افراد اور عوام میں خوف و ہراس پھیلا ہے ۔

ایس ایس پی انویسٹی گیشن طارق دھاریجو کا مزید کہنا تھا کہ ملزم عاطف زمان کے خلاف ایف آئی آر میں باقاعدہ سیون اے ٹی اے کی دفعہ شامل کی گئی ہے۔

واضح رہے کہ 9 جولائی کو کراچی کے علاقے ڈیفنس میں پیسوں کے لین دین کے تنازع پر ملزم عاطف زمان نے بول نیوز کے اینکرمرید عباس اوران کے دوست کو فائرنگ کر کے قتل کر دیا تھا۔

اس خبر پر اپنی رائے کا اظہار کریں

اپنا تبصرہ بھیجیں