31

کراچی میں آج دوپہر میں گرد آلود ہوائیں چلنے کا امکان

کراچی : کراچی میں آج دوپہر کے وقت گرد آلود ہوائیں چلنے کا امکان ہے تاہم محکمہ موسمیات نے بارش کے نئے بننے والے سسٹم سے انتیس اور تیس جولائی کو تیز بارش کی پیش گوئی کردی۔

تفصیلات کے مطابق محکمہ موسمیات کا کہنا ہے کہ کراچی میں آج بھی موسم گرم اور خشک رہے گا تاہم آج دوپہر کے وقت گرد آلود ہوائیں چلنے اور بونداباندی کاامکان ہے۔

محکمہ موسمیات نے آئندہ ہفتے سے شہر میں بارشوں کا سلسلہ شروع ہونے کی پیشنگوئی کردی ہے، بارش کے نئے بننے والے سسٹم سے انتیس اور تیس جولائی کو تیز بارش کا امکان ہے۔

کراچی شہر کا موجودہ درجہ حرارت 33 سینٹی گریڈ اور ہوا میں نمی کا تناسب 60 فیصد اور 26 کلو میٹر کی رفتار سے ہوا چل رہی ہے۔

دوسری جانب شمالی علاقوں اور بالائی پنجاب میں موسلادھاربارشوں کانیا سلسلہ شروع ہورہا ہے، جو ہفتے کے روز تک جاری رہے گا۔

محکمہ موسمیات نے اسلام آباد، راولپنڈی، لاہور، سرگودھا، گوجرانوالہ، فیصل آباد، ہزارہ ، مالاکنڈ، پشاور، مردان اور کشمیرمیں اکثر مقامات پر تیزہواؤں اورگرج چمک کیساتھ بارش کی پیش گوئی کی ہے جبکہ برساتی نالوں میں طغیانی کاخدشہ ظاہر کیا اور پہاڑی علاقوں میں تودے گرنے کی وارننگ بھی جاری کی ہے۔

اس خبر پر اپنی رائے کا اظہار کریں

اپنا تبصرہ بھیجیں