36

احسان مانی آئی سی سی فنانشل اینڈ کمرشل افیئرز کمیٹی کے سربراہ مقرر

چیئرمین پی سی بی احسان مانی کو آئی سی سی فنانشل اینڈ کمرشل افیئرزکمیٹی کا سربراہ مقررکر دیا گیا ہے۔

تفصیلات کے مطا بق آئی سی سی فنانشل اینڈ کمرشل افیئرز کمیٹی آئی سی سی کے مالی اور کمرشل معاملات پر نظر رکھے گی۔

احسان مانی کی سربراہی میں قائم کردہ کمیٹی میں اندرا نوئی بطور آزاد ڈائریکٹر شرکت کریں گی ۔امیتابھ چوہدری، کرس نینزنی، عمران خواجہ، ایرل ایڈنگز اور کولن گریوز بھی کمیٹی میں شامل ہیں جبکہ ششانک منوہر اورمانوسواہنے بطور سابق عہدیدار کمیٹی کا حصہ ہوں گے۔

انٹرنیشنل کرکٹ کونسل کی جانب سے پاکستان کرکٹ بورڈ کے عہدیداران کی پذیرائی کا عمل جاری ہے اس سے قبل ایم ڈی پی سی بی وسیم خان اور اسٹار کرکٹر ثناء میر کوبھی آئی سی سی ویمنز کمیٹی میں شامل کیا گیا ۔

واضح رہے کہ احسان مانی سال 1996ء میں بھی آئی سی سی فنانشل اینڈ کمرشل افیئرز کمیٹی کی سربراہی کر چکےہیں۔

اس خبر پر اپنی رائے کا اظہار کریں

اپنا تبصرہ بھیجیں