28

جوزیادہ چیخ رہاہےاس کی اگلی باری ہے، شیخ رشید

اسلام آباد: وفاقی وزیر برائے ریلوے شیخ رشید احمد نے سابق وزیر اعظم شاہد خاقان عباسی کی گرفتاری پر ردعمل دیتے ہوئے کہا ہے کہ ایل این جی کیس میں ابھی بہت سی گرفتاریاں ہوں گی۔

تفصیلات کے مطابق شیخ رشید احمد کا کہنا تھا کہ شاہدخاقان عباسی کومعلوم تھا کل ان کی گرفتاری ہوگی، انہوں نےپہلےہی طےکیاتھا کہ آج نیب میں پیش نہیں ہوں گے۔

ان کا کہنا تھا کہ شاہدخاقان عباسی کوتوآج نیب نےطلب کیاتھاوہ کہاں جارہےتھے ،سپریم کورٹ نےایل این جی کی تمام دستاویزات نیب کودےدی تھیں۔

انہوں نے یہ بھی کہا کہ میرےپاس جتنی بھی دستاویزات ہیں عدالت میں جمع کراچکاہوں،90دن میں بڑےبڑےکیسزکےفیصلےہوجائیں گے۔شیخ رشید کا کہنا تھا کہ یہ گرفتاری میرے لیے کوئی نئی خبرنہیں،کہاتھابہت سےاہم کیسزکےفیصلےہوں گے۔

شیخ رشید کا کہنا تھا کہ جوشخص جتناچیخ رہاہےاس کاکیس اتناہی بڑاہے،آسان نسخہ بتادیاہےجوزیادہ چیخ رہاہےاس کی اگلی باری ہے۔

یاد رہے کہ آج قومی ادارہ احتساب (نیب) راولپنڈی اور لاہور کی مشترکہ ٹیم نے سابق وزیر اعظم شاہد خاقان عباسی کو ٹھوکر نیاز بیگ کے قریب ٹول پلازہ پر روک کر گرفتار کرلیا۔

نیب ذرائع کے مطابق شاہد خاقان عباسی کو وارنٹ گرفتاری دکھایا گیا اس کے بعد حراست میں لیا گیا۔ چیئرمین نیب جسٹس (ر) جاوید اقبال نے شاہد خاقان کے وارنٹ گرفتاری جاری کر رکھے تھے۔

نیب ذرائع کا کہنا تھا کہ طلبی پر شاہد خاقان عباسی نے کہا کہ وہ لاہور میں ہیں نہیں آسکتے، ان کی لوکیشن ٹریس کرنے کے بعد انہیں حراست میں لیا گیا تھا۔

اس خبر پر اپنی رائے کا اظہار کریں

اپنا تبصرہ بھیجیں